塘福宿營記2016~Day 1

一年一度離島宿營，睇過價錢，都係去返塘福，因為經濟又熟悉。。。

今次約咗係香港站的添好運食早餐，上年因為裝，修，今年一定要再食。。。
可能店舖細，去到門口又要排長龍~

排咗約半個鐘，可以入座。。。

其實都係一般飲茶，不過我最鍾意食波蘿叉燒飽

大家叫到一枱都係點心~

食飽後，我地行去碼頭搭船去梅窩。。

今次租第二間屋，因為要三房五床。。。

一樣有燒烤爐。。。

三房五床。。。

洗手間

厨房

不過一入到屋，四周都有好多蚊，所以第一件事係滅蚊。

除此之外，房間幾大幾乾淨
放好了行李，我地出去high tea.....

原本不打算摸蜆，不過最後都去摸，原因係有人好想去。。
我地搭巴士去。。。

去到水口村個士多租摸蜆三寶。。。

見到士多老闆雪櫃d蜆勁大粒!

雖然已經到咗十月，仍然有好多人去摸蜆

天色唔錯~

肚姐摸得好開心，開心到唔願走~

結果摸到天到黑哂，要開電筒照住行，海水都開始潮漲。。

諗住超人高大，叫佢行先搵路，就算行入潮漲地方，都冇咁易遇溺。。。點知佢越行越遠，唔知行去邊，跟住佢行，半夜都未必行到返去，結果都係自己搵路。。

收穫都很豐富~去到士多還三寶，洗乾淨d 蜆，

我地唔記帶膠袋,超人唔知那裡執到一個,....希望唔係垃圾桶啦~

行去巴士站搭車返去。。

返到去渡假屋,我地再清洗d蜆

再浸吓

之前係梅窩碼頭附近買咗d食物,

其實起爐火之前落雨,我地要搬個燒烤爐去屋前

自己知自己事,今次唔買咁多食物,所以今次冇浪費食物,而且過了一個開心的一天~