Hea遊澳門兩天

9月是父親大人的生日月，知道搭金光飛航去澳門有優惠，所以打算帶兩老過大海。。。

我上網用員工優惠假book酒店，打算兩日一夜hea遊澳門。。
當日八點出門，打算係屋企附近間太興吃早餐，怎料有好多人，要等位。。

食過早餐，再搭地鐵去上環。。當時幸好過咗繁忙時間，但仍然好多人搭，結果要企到上環。。。

到咗碼頭，我們去金光買票。。

可能金光最近做緊優惠，都幾多人，10點幾船票賣哂，最快都要11:30....

不過時間都好快過。。。好快就到11:30

第一次搭金光，都幾好呀，船倉好大，坐得幾舒服

而且航行得都幾穩定。。。

好快就到碼頭。。一出就見到酒店免費車，

如果住路氹或氹仔，真係超方便。。。

酒店車又大又舒服。。。

氹仔碼頭隔離就係機場。。

好快又到咗我book ga酒店。。。

酒店職員太有禮貌啦，我以為用員工價book房,會唔多理我地,點知都同對其他貴客一樣，送我地上房(心諗唔使啦)

同相片一樣，好大張床。。。

有㗎啡機，超正~

浴室d用品超好用，洗髮水，護髮素好正

浴室有隻鴨仔。。

拖鞋有分男女。。。

又有男女浴袍

老豆同肥媽都好開心::cc4161::cc4162  ，係酒店房坐咗好耐。。

其實都坐咗成個鐘，之後行去對面威尼斯人搭巴士出澳門半島

等咗好耐先有巴士，但架巴士似環島遊，坐咗成一個鐘先到目的地::_2114 

事後先知自己笨豬::kk3045 ，點解唔坐酒店車去澳門碼頭，再搭巴士出 ::cc4096 

行去十月初五街，路窄車多，兩個老人家唔慣，冇辦法，里度對我嚟講較熟路，而且真係好多美食，而且又唔貴。。
今次去榮暉㗎啡室，里間店岩老人家食。。

我叫咗杯凍檸茶，竟然似高級餐廳咁，糖水自己加。。好!

我點咗碗招牌鷄湯米，d湯底係藥材湯，鷄又嫩，好味::vv4005 

老豆，肥媽都分別點咗天麻川弓魚頭麪，同湯河。。

佢兩個讚不絕口::cc4138 ，我老豆重飲哂d湯 

飲飽食醉後，我帶佢地去福隆新街買手信，

問佢地食唔食翅，肥媽話好好好::cc4058 ，老豆話飽::cc4056 ，就半推半請先入去。。。

其實老人家唔願行，我肥媽係表表者。。
所以帶佢地去永利睇吉祥樹。。

同兩老，都係搭巴士~

去到已經係吉祥樹尾聲，所以等多半個鐘等下場，
兩個老人家又唔介意等。。。。。
等到一開場，就好大煙。。。
今次係飛龍。。。

好有氣勢，我都係第一次見到龍，每次嚟 都只見到吉祥樹
我老豆睇到眼都唔貶::cc4115 ，

睇完表演，我地出嚟影噴泉。。

之後行去搭巴士去狗場。。

係個大馬路落咗車真係唔識行，真係一路行，一路問人點去，指示話6分鐘，我睇就唔止，最少十幾分鐘。。
所以肥媽就嘈嘈閉閉(>﹏<)::mm1578
老豆就好積極問人，結果老豆叻叻，狗場係佢問返嚟。。

入到去，有指示話唔准影相，我估係驚嚇親d狗狗，所以好低調靜靜地偷影一張。。

睇咗兩場，賭咗一場，輸咗一場。。第二場本來想買，但未排到隊，已經開跑，冇得買啦，
之後亂行亂撞，終於見到新鴻運來飯店

個老細以為我係澳門人，俾咗張咭片我，叫我如果係附近，可以叫外賣

點咗碟椒鹽九肚魚。。。好味

菜芯好嫩，都好味。。
XO醬炒豬腳筋。。。都好味。。

豆鼓蒸鯿魚。。都唔錯。。

里餐都唔貴，抵食。。

之後搭車返酒店。。。

返到酒店見到每張床有隻熊仔好開心，熊仔，鴨仔同樽糖可以攞走。。。

係狗場外，有好多生果檔，我地買咗兩隻柑返去食，結果好難食::vv4002 ，最後都掉咗

到咗第二日，其實冇活動，起身後係酒店房睇電視，執吓行李

望出窗外,風景一流

10點幾離開房間退房。。。我地今次住里間房。。

行去搭Lift落大堂。

之後行去新濠天地食野。。。，見到條會變色的龍

之前係網上面見到新濠天地有個美食天地，但搵唔到，結果問詢問處，個小姐話冇咗。。
Oh my god!
算啦，係So,ho地區食飯算，因為老人家唔會同你再行。。
去咗左麟右李食

一睇就知貴，專服務遊客。。。

點咗碟肉絲炒麪

福建炒飯

味道係唔錯，但貴囉。。埋單要三百幾。。。

食飽後行返酒店，但兩老唔想行，我叫佢地去大堂梳化坐，我自己行一個圈，因為酒店好大，好靚，我想影吓相。。

行咗一個圈，自拍幾張，之後行返去會合佢地，攞返行李，

搭酒店車出返氹仔碼頭，搭船返香港。。。