2015年5月21日 星期四

大食怪獸襲擊泡菜國~第一天

在半年前已經計劃去韓國,但一直都沒有編行程,直至在電視上看見杜小姐介紹仁川,這時便心郁郁,計劃韓國其中一天去仁川。。。。本想去弘大自由市場,所以專程攞星期六,可惜最後都沒有去。。。。

今次又是上旅行社買團體機票,機票酒店連稅也是三千幾港幣,。。。。今次亦是零晨機,不過我們未到10點已經到達機場。。

去韓亞櫃臺check in,寄了行李,便去吃過晚餐。。









我們去大@樂食個扒餐。。。今次金柑同長金都一齊去。。





食飽飽,就攞住張中國@動南韓漫遊咭,去中國@動機場間店。。。

好多人都去鴨記買這張咭,只須$160,但我驚買到假野,所以都係去屋企附近果間中國@動買,現在仍做特價,都是$198。。。。






講返正題,因為我驚set錯,所以都是跟網上的人一樣,去到機場間中國@動,麻煩d職員幫我set...他們好好禮貌,唔介意幫我。。。
因為張咭是7日漫遊,而我是去5日,早一日開當然冇問題~
再講,我8號10點幾開,手機短訊話可以用到15號...而且果五日用得好順~




今次發覺多咗人影里個水牌,等咗好耐,先輪到我地




Let'go


出發!



今次登機時:00:00



好幸運,今次搭韓亞A380型機,係大機嚟。。。可以charge電呀~。。。。今次d飛機餐唔錯。。。。


坐咗三個鐘頭機,可以落機啦,今次住新村,為咗限錢,今次搭機鐵。。。

不知韓國是否同我相沖,一落機,就搞肚痛,都不知是在機場間大@@飲了杯紅豆冰....._

嚟幾次,都係搭巴士,今次第一次搭機鐵,唔係好識行,加上冇咩人搭,我地盲中中,周圍搵



跟人行,摸摸吓,都摸到,係機鐵站增值咗T-MONEY 10000won,








機鐵內好乾淨,車廂都好寛闊。。。



我們搭到A03,弘大站轉車。。。好多人話行好遠好長咁轉線,我又唔覺,覺得幾輕鬆,可能時間早,冇咩人,我們行得好輕鬆。。。我們行去轉去2號線新村途中,見到有便利店,咁岩覺得口渴,便去買支果汁飲。。之後行去轉2線搭地鐵,記住要出閘先,之後搭電梯落多一層,搭一個站就新村啦~

我們間酒店在7號出口,雖然有扶手電梯,但都要抬起個喼行幾級樓梯。。先去到個扶手電梯。。。


出到地鐵,行兩分鐘,就到我們住果間酒店啦~
去到時,個職員話要兩點先可以搞check in手續(係我朋友搞check in,係佢講)。。。(咁奇怪,我每次去旅行,都可以搞咗check in先,不過係未有房住.......里間都幾奇怪)。。。佢又問我們up唔upgrade我們間房。。。我們商量過話唔使。。,之後寄存
行李,出去玩啦


第一站去Isaac吃三文治,上次去東大門吃過之後,簡直好喜愛


我們由新村站6號出口行去.......睇住地圖,都幾易找~_








因為冇堂食,所以我地買咗之後,行上去搵到張櫈,坐低慢慢嘆。。。。見佢有果汁賣,咪買咗杯奇異果汁,但好酸呀…


之後,行返去新村地鐵站3號出口,行去我地要去間汗蒸幕眠一眠。。。




日間,成人收費$8000won....,更衣室隔離有間睡眠室,我換過衫,就入去瞓,而棗棗就去沖涼。。。我唔去沖原因,係沖完會精神哂,瞓唔到,所以都係瞓咗先。。。。里個係汗蒸爐。。。


瞓咗個幾兩粒鐘,我們上食堂,



飲甜米釀加蛋。。。一顆蛋700won,三個一組 2000won.....


都幾好飲。。。。



休息一會兒,我們出發去明洞唱錢,好可惜,可能沒睡醒,早咗一個站落車,係會賢站出咗。。。唔想浪費車錢,咪睇吓手機地圖,幸好見紅色衫旅遊大使問路,無驚無險到咗明洞。。。。可惜途中見到一些鷄泡魚干等小食,害我未唱錢,先破費。。。。
去到明洞大使館打算唱錢,見到好多人,就行去隔離間大信換。。。。今日個價唔得,間間都得果139.6。。。。,
最後,又係還完基本步,行去明洞站6號出口,行去食我們的中午餐(其實當時都兩點幾)












我們叫咗個炖海蛤,要L...店員叫我們要special,我們都想,但得兩個,驚食唔哂。。。。



可能差不多三點,所以人客不多。。。但對我們來說,就very good!


原來真的很大盆。。。









見到就很美味,很大隻的貝殼。。。。我們叫了韓國啤酒,味道真的很淡,很易入口。。。。我們很大食,全部吃掉~





因為太晏,所以放棄去弘大自由市場。。。。。唯有留待下次啦~




行出地鐵途中,見到有是士多啤梨。。。。


好可愛呀😍,買了兩粒吃。。。好味呀~不過都幾貴
明天會到合并,但home plus每個月第二個星期日會休息,見今日有時間,所以過去合并里間超市買買手信(貪佢離新村近)




之後返酒店check in,順便放低d戰利品。。。同時,酒店職員告訴我們,話兩天打掃房間一次。。。
放好行李,我們行去食晚餐,其實當時都10點幾,不過唔緊要,八色烤肉收12點。。。
我們從新村站3號出口行。。。。



2012年去韓國時,都有諗過去食八色五花肉,當時考慮去食企牛定佢,最後决定去,好有特色ga企牛。。。。



其實今次我們行程中的晚餐全都在新村,所以都會揀d較夜打烊的食店。。。



八色烤肉,相信好多人食過,大部份人都話又平又抵食,連食尚玩家,果兩個,都嚟過幾次。。。。



真係夜,都差不多11點,食客唔多。。

我們都未落ORDER,竟然嚟一窩海鮮豆腐湯,嚇得我們。。。。原來是送的





我們雖然得兩人,但一樣叫八色五花肉。。$30000won一份


一嚟就成枱食物。。。。


香噴噴,好味呀~但是真是係太多肉,我倆真是食唔哂。。。。










埋單後,見門口有個大豬頭,忍不住同個豬頭大合照。。。




影過相,我們慢慢行返酒店。。。。










沒有留言:

張貼留言