中文大學賞紅葉

一月三日，星期六，放假!

見人地影紅葉咁靚，知道棗棗同閒人兩公婆都放假，問吓佢地有冇興趣去影。。。佢地ok喎~

因為週末，周圍都勁多人，所以决定去中文大學影~

 

當日約咗佢地去沙田飲茶，之後搭火車去大學站。。。

一出站，行幾分鐘，就到目的地未圓湖。。

天氣勁好，雖然天氣凍，但陽光普照

用手機都影得好靚

人流雖然唔多，但都有好多人嚟影相

 估唔到，景色都好靚。。。影吓影吓，都三點半(我地差不多兩點到達中文大學），閒生夜晚要去飲，四點半會走先，所以我地去大學飯堂，飲吓下午茶先。。。

 嘆過茶，行返出去，見到景色好靚，再影過。。。

正呀~

送走閒生，我地三朶嬌花，攞支神棍四處影。。。

晚餐打算去大埔吃，所以行去火車站，搭火車去大埔墟站，因為時間尚早，所以行去火車鐵路博物館行吓。。。

去到時已五點半，六點點關門，所以我地快速自拍遊

左影影

右影影

厠所門口都影影。。。

因為夠鐘關門，職員要遊人走啦，我地懷著依依不捨心情離開，慢慢行去大埔中心食晚餐~😭