北京輕鬆自悠行第三天

我未去北京之前,喺七仔度買咗張聯通咭,試吓一咭兩號係咪可以喺大陸上facebook同討論區,果然可以,不過咭入面d錢好似倒水咁::kk3167 ~
到咗第三日,幫少話要去故宮,所以琴晚問定酒店禮賓部點樣去,佢地話唔使搭車,往走的,廿分鐘就到~

今日唔使咁早起,七點半morning call,之後落酒店食早餐.....

見今日陽光普照,咪著少件風褸......點知就中招::kk3168 .....

幾好天呀~

今日超大風,d 風吹過嚟入骨.....::kk3168

我地經過王府井,

好多手信店都有開......

原來佢地話好近,詭人架,行咗成半個鐘先到::_1098 ,又凍到要死~

好屎多人呀,有好多團,國外,國內都有,都幾多俄羅斯團

入去天安門,又要安檢

經過天安門,入去故宮前要買票.....

我一直以為佢地有興趣睇,尤其幫少,因為佢話要去故宮......
點知班友只係一直向前走,旁邊唔會去睇(坦白講,我興趣不大,加上太凍,所以都冇咩心機睇)::kk3013

話咁快就出到御花園,

話咁快就出到門口,

激死!佢地重話冇咩睇,其實你地係冇心睇,知道你地冇興趣就唔好話嚟睇,浪費d錢~

(早知去軍事博物館,雖然裝修緊冇咁多野睇,豈碼唔使錢)

因為過嚟之前,佢地睇中咗北京飯店有特價北京烤鴨食,諗住行返去王府井,點知迷路,唔知行咗去邊~

我就無聊影相::mm2256

傻吓傻吓,又搵到路返去.....::kk3100

 去吓王府井小食街,睇吓有冇岩食

感覺有好多怪野,唔多岩食......

都係返去食烤鴨~

酒店即係酒店,招呼好好,環境又好

我地一鴨兩食,重叫多兩三味餸,好味過琴晚果餐::kk3107 ,埋單同琴晚差不多,都係三百幾~

食飽飯,買d手信,返去酒店坐一坐~

其實返到去都係三點幾......(原本諗住係故宮行一日,點知個個都唔鍾意睇歷史,......)

外面太凍,返到去酒店,簡直係天堂,坐吓食吓,大家商量去邊....

我建議去王府井間apm行吓,順便食埋晚餐,結果大家都ok~

坐吓坐吓,竟然瞓著咗::kk3020 ........忽然wake up call響,著多件衫出發~

之前有網友話北京有apm,我以為老翻,原來真係香港新x基....

商場d價格同香港相若,重要使人仔,所以都係睇吓~

行到咁上下,睇哂成座apm ga食肆,都係去外婆家,網上面d人話味道唔錯,重好平~

 不過就超多人等位::kk3045

等咗超過半個鐘先有位

啲餸精美,但冇想像中好食,可以話麻麻,冇免費水供應,但d餸好咸,想叫野飲,但選擇唔多.....叫咗橙汁,一直都冇嚟,三催四請,竟然嚟咗d同水一樣淡ga橙汁::kk3013 ~

埋單又係三百幾~食飽後,見早咪去小食街行吓,睇吓同日頭有冇分別

我地都係混吉,行咗一陣,返去酒店休息::kk3100 ~