本陣

最近一直病,都冇咩精神寫blog......:(

但公司就超多野,真係有d想死........

上個月就已經同班朋友相量好十一月尾去北京玩,但佢地d假未批,就話要買機票同酒店....

我就匆匆忙忙上網睇邊間酒店交通較方便,就去旅行社買package~

旅行社打電話俾我話酒店ok,我第二日就去旅行社攞返d野~

第二日,我差不多一點出去,點知貓姐whats'app我去唔去tea,我諗咗一陣"好啦"

去到商場真係好肚餓,咪諗住食少少野,見到車仔麫咪入去食.....::mm1549

原來好先進,要自己入電腦叫野食,順便拍八達通俾錢.......

價錢唔平,不過好大碗,我飽到食唔哂~

之後就搭車出去旅行社,攞返d機票,仲有公交卡送......

之後去會合貓姐,睇吓食咩.....

其實我當時好飽,好驚佢話打邊爐,好在唔係....

原來去食網燒,

我地揀咗個set lunch~

飯同湯可以無限追加,但我太飽,飯都冇食,只係食燒肉~

 

 

 我地都覺得好奇,點解咁靜,得我地兩條友,原來佢地本來就落場,不過做埋我地生意,所以全埸得我地兩個

環境,服務,食物都唔錯~

價錢都好抵~