澳門五個鐘之旅

澳門行!其實一個月前已經計劃,當時已經同朋友爭辯買定票先,定去果日先買….

我覺得即日來回,到果日去到碼頭先買票啦,因為夏季天氣唔穩定,唔想博,但朋友話暑假難買船票,驚果日先買,會買唔到票,到時會掃興…….最後一人讓一步,出發前七日先買,但都”賴”野

到咗出發前兩日,竟然話有颱風到,搞到大家都意志消沉
到咗出發日,大家面著人生交叉點…..

香港三號風球,但仍然風和日麗,而澳門就掛緊一號風球;不過天文台話夜晚有機會掛八號
最後我同貓姐決定去,因為唔想嘥咗果幾百蚊船票,另外果兩個做咗逃兵….(逃兵唔去都俾船錢)

去到碼頭,睇吓水牌,等待出發……

雖然有颱風,不過都好多人係碼頭,

可能大部份都係內地團

三號風球,我地搭9:15出發

上到船都幾多人,似乎全船full哂

岩岩開船時好鬼浪,不過離開碼頭遠d就冇事,可能前一晚我食咗敏感藥,藥力未散,所以一上船,我就瞓著咗啦……..到我醒咗時已經10:15,都已經到咗澳門啦

 

天氣都ok,只係落毛毛雨…..

因為我好耐冇嚟過澳門,所以冇申請澳門e通道,所以首先去登記~

可能打風,冇咩香港人申請,貓姐話平時好多人,要排隊架…..咁我都算好彩,好快攪掂,好快過關

過閘時原來有飛仔出,記住攞番keep住佢,(可能如果走時唔用自助過關,而用職員櫃檯過關,要交俾入境處d職員卦…..[其實我諗咋,錯咗唔好鬧我])

我地行出去搭巴士

我地要去新馬路~

 

上咗車開始落雨啦

貓姐係澳門通,跟住佢行冇煩惱,第一站係民政總署大樓,俗稱議事亭、市政廳…民政總署大樓現為聯合國教科文組織世界遺產名錄的澳門歷史城區歷史建築群之一。

牆腳嵌有葡萄牙特色青瓷磚,

忽然見到一班日本遊客入嚟,出到門口又有一班日本遊客……近哩幾年我係香港都好少見到日本遊客ga足跡…..

睇完我地過馬路去對面…..

可能落雨,所以人流唔多,真係有幸有不幸

之後我地去玫瑰聖母堂

點知裝修緊

好在佢樓高三層,我地可以去聖物寶庫睇睇~
以前曾經進行大規模ga重修,聖堂旁ga鐘樓改建為聖物寶庫,所以我地可以上去參觀

話咁快睇完出返嚟啦~

我地去隔離ga盧家大屋

對面有野食

盧家大屋又稱金玉堂,於1889年落成，是澳門二十世紀初商人盧華紹( 盧九)住宅

盧家大屋有兩層,但樓上唔知點解唔俾入,貓姐話之前俾架~

屋內佈置着多個天井，可以通風同採光

(其實我地一入到去見到免費wi-fi,我地就係咁搞個電話……..)

參觀完d文化遺產,到我地ga飲食時間啦~

導遊貓姐帶我去熟食檔吃午餐……,
雖然我去過澳門多次,但都係第一次去熟食檔

其實都係類似香港d街市大樓,樓分四層,我地去三樓~

我搭扶手電梯上……

到咗!行過圈先~

結果去咗里檔食車仔麪~老闆娘好好人,碗麫好大碗

好大條豬粉腸,不過我唔好

里蘿係鷄腸,我都唔好

右邊碗係我ga,要蘿蔔,鷄紅同牛腩,幾好呀,牛腩度有埋牛崩沙,牛筋….好味呀~
食飽又去下一站,貓姐收到表妹短訊,話澳門天文台會下午1:30改掛三號,所以我地開始計時~

我又邊行邊影~見到澳門郵票,就諗起~想係澳門寄明信片俾自己,但冇時間,留番下次啦~

穿過橫街小巷,

因為太飽,所以都係只飲椰汁,冇食雪榚~

 ready, go!我地又出發啦~

成間店都係放炭….

見到間粥店,下次嚟試吓地道風味

短巷

吃豆腐花

我地短時間食咁多野,都幾飽,不過又幾好玩

行返出去買手信啦,長氣都咁話,好在有貓姐個澳門通,唔怕迷路,好快又到目的地

去咀香園攞手信,俾果兩個白俾錢ga逃兵

冇得你地揀,我地俾咩,你地都要

原本諗住要搭巴士去葡京間樂宮餅店買曲奇,但唔覺意見到間分店

好野,good!限番d時間~

買咗罐腰果味

之後要搭巴士去碼頭啦

到碼頭啦~

冇停過,一直行去離境處~

貓姐冇端影我,我就貞子上身









因為早咗走,要排兩點鐘後補,點知爭兩位個咋,上唔到船,前面d人九秒九咁走去後面…..點知個票務員指住前面,話兩點十五分9號閘口,我地聽到極速狂奔咁過去

好似冇咩人跑,得我地兩個笨瓜跑

上到船安心哂,原來班船係加開,不過都全船滿座~

今次條船行得較耐,要個半鐘先到岸

返嚟啦,過埋關都成四點….
之後同d朋友whatsapp,佢地話我地行得快過尤特

貓姐話肚餓,咁我地去元氣食個tea

里個係貓姐ga

這個是我的



一掃光

加埋一,每位五十~

返到屋企,試吓d曲奇

真係好味,鬆脆好食~