韓國病之旅2013出發前

舊年已經計劃::cc4012 行程,一直都唔知去邊,最後決定去韓國自由行…..但今次我好倒楣

今次ga團友係上次台灣自由行班朋友,加一個肚姐

因為同班團友唔多熟,唔知佢地ga喜好,咪問佢地,點知佢地話是但…….真係幾難plan,唯有儘量搵d唔使錢ga景點…..

首先係去旅行社買機票酒店,之後先計劃行程…..
我地三月去,但一月就去旅行社買套票,今次都幾抵,機票酒店連稅都係三千九….

我地今次住Uljiro Co-op Residence ,貪佢交通方便

行程真係難編,唔想去番上次去過ga地方,又要搵唔使錢ga景地….

之後印返d coupon~

中韓對照菜單

同埋上網睇埋天氣,睇吓著咩衫

不過都唔準,去到除咗第一日天氣暖d之外,日日都凍到飛起,個個都帶唔夠衫


因為我買ga係團體票,要出發前一兩日先email張電子機票俾我地,當日我就send哂俾班朋友對名,點知其中一個話佢個名串錯…..朋友一口話個旅行社職員搞錯
我攞番買機票時張單對,明明一樣串法,如果錯,都係朋友錯,因為俾咗錢後,我已經叫佢地全部人對名,重話錯咗上唔到飛機,結果個個都話岩冇錯….

錯咗咪第一時間打去旅行社問,但最慘果日係星期日航空公司機票部休息改唔到,要我地去到機場先搞,唯有果日出到機場先搞