韓國自由行2012第三天之二

食飽午餐,我地再返去景福宮(攞住張尾票,可以自由出入),朋友喜歡睇,
咪再入去….

坦白講,真係冇咩睇,加上人太多,真係冇咩心機

不知不覺都行到兩點幾三點,我地要去下一個行程,惠化站…….

去到時,諗住去駱山公園,但係唔多好搵,加上好快天黑,所以都係放棄,留番下次上就去…..

今次改為係惠化shopping,睇吓野,亂咁行~

見到里隻大貓,係韓國成日都見到里隻貓

見到間韓燒,感覺好高級~

行到攰哂,搵間咖啡店坐吓傾吓計~

見到對面間係貓咪咖啡店

hea到六點幾,天都開始黑,我地去食韓燒~

我地點咗豬,牛各一,

又係有人幫我地燒

有好有唔好,因為佢地鍾意一次過放哂d肉去燒,我地食得慢,好易燒燶,好在d肉燒得耐都唔硬,都好好食….

d 菜可以無限加,當d服務員見到個鐵網燶,即刻同你換過個

滋味無限,真係好食

食飽後,我地去首爾站間樂天超市買手信…

大出血後,去到地鐵站都十一點幾,真係要拿拿淋,因為尾班車十二點~

返到酒店,得樽細可樂買俾自己~