韓國自由行2012第二天

到咗第二日,終於瞓到覺啦(琴日真係瞓唔著,全日都攰到死),
今日八點起身,好似好晏,但韓國快過香港一個鐘,所以我地都係香港時間七點起身

因為朋友動作緩慢,所以九點先落到五樓食早餐….先介紹,我地住六樓,大部份住客都係台灣人,所以淨係聽到國語,而個老闆娘係個七十幾歲ga阿珠媽,佢係韓國華僑,所以識國語,不過我國語屎到死…. 我地個房門口

五樓個休息室,可以食早餐

早餐有麪包,鷄蛋,白粥,泡菜….

雖然簡單,不過都幾美味,泡菜係老闆娘自己整,有部咖啡同柚子茶機,可以免費任飲

食飽到出門都唔早,原本諗住去3D館先,但驚玩完3D出去食午餐人多,所以都係去食午餐先….

搭地鐵去到新村站都差不多十一點,跟住網友提供資料行去食立食燒韓牛….

講得立食,即係冇得坐啦

早去可以揀位,記住一定揀窗位,唔係煙死

里度只有牛肉同飲品賣,所以我地叫咗牛肉同可樂,一份牛肉$14000WON,(1 份150克),而每人一定最少叫一份…..(留意D綠色辣椒,一D都唔辣,點D紅色醬真係幾好食,不過我唔記得紅色醬係咪辣)

其實幾多,我地食得好飽,而且好好味,朋友話下次嚟一定再食

(里度係兩份,食時點醬再夾蒜頭)
  
燒到咁上下,有個姐姐幫你燒同剪

越來越嚟多人,就越來越嚟大煙

有好多韓國人帶埋飯同菜嚟食,不過佢地好鍾意飲酒,
午餐都可以互隊

食飽飽去弘大3D美術立體館Trickeye


一落到去就見到里幅圖 

我地影咗好多相,玩咗兩個鐘
有興趣可以係里個網址睇吓~

Trickeye美術館 (트릭아이 미술관)

之後係弘大行吓街,係屈人寺買吓手信,冇啦啦俾我地見到KITTY,就咁多咗個行程

有上下兩層,我地走上樓上~

我地覺得唔幫親唔好意思,咪買份下午茶,當里舊仔一震,就可以去攞 

里兩件野重貴過我地一餐飯~ 

不過我地都好開心,到此一遊嘛~

之後再去梨大血拚,聽聞梨大買護膚品舒服好多,冇咁多人,贈品都多D….

去到梨大,緊係去梨花女子大學望一望

 

之後去shopping,果度賣的襪真係好平,大約7 蚊港紙一對~



到咗八點左右,我地去食炒辣鷄

今餐真係食唔哂,可能今日食得太多,同埋d鷄真係幾辣,同埋我覺得一般~

今次有好多配菜….

吃完晚餐,出去行行,

然後返酒店,…..

里兩日買到都幾多野~

是日好攰,不過好滿足~