韓國自由行2012準備編

之前棗棗叫去旅行,但佢條友本passport過咗期好幾年都唔知,結果冇得同我地去台灣玩,佢叫我地轉地方,我地冇人理佢,不過應承下次同佢去韓國玩…….
 原本諗住跟團去韓國,咪上網去d討論區睇吓邊度好玩,發覺原來自己去係好玩好多,咪同佢地講不如自由行…..佢地開頭都話得唔得,又話唔識韓文,韓國人又唔識外語,不過商量後都係自由行

之後我不停爬文搵資料,結果用咗一個月時間編好哂行程,不過朋友d假重未落實,到咗九月二,三號先話ok…..

我上網睇咗幾間旅行社,ktx係最好,但佢收六點,放星期日,所以我去唔到買package,其實都可以上網報,但佢地唔信新科技,都係鍾意直接去報…….學x都平,不過要出發前幾日先知出唔出到機票同酒店,太危險,信唔過….

最後去咗新x,問咗價錢,比心目中想ga稍貴,咪問朋友如何,佢地話ok,但我話不如睇多幾間,但朋友話唔睇,人地要收工(指新x),算啦,就里間,不過個職員話第二日先知book唔book到酒店,機位就冇問題…..

到咗第二日,個職員話酒店full哂,咁我咪俾多幾間佢.等佢幫我地搵,結果搞咗成個禮拜,最後都book唔到,當時棗棗話,估唔到佢咁好樣,都做唔到野(唔怪得之佢當時話要幫親佢,貪人靚仔….{不過我唔覺,成個李克勤})

係失望之餘,咪諗住跟團算,但d行程真係唔岩我地,第一我地唔去樂園,第二好多團有一日游水,第三團費都唔係平好多……

再去搵民宿,賓館之類,但好多都交通不便,唔係就要行樓梯上房
最後竟然係背包見到里間…..



ttp://www.backpackers.com.tw/forum/showthread.php?t=709068



(外表睇間酒店好似唔掂,不過去到時,真係very good,房間乾淨,交通方便,唔貴,重有早餐食,好似係橫街唔安全,但係治安好,而且對面有食店同士多)
真係一天光哂,可以自由行啦

再搵吓邊度機票抵,結果康x最抵…..

九月中終於可以買齊機票同住宿,我再編過行程…..

再印coupon

所有野ok,等待十月中出發…..