杜牙根

等咗十幾日,今日終於有時間去睇牙醫….

其實之前我估個醫生會叫我去杜牙根或拔咗佢,所以問定個朋友杜牙根要幾銀(因為個朋友杜咗冇耐)佢話成套五千幾…..

所以我預咗一萬蚊樓下,不過我最驚我有牙周病,因為一刷牙就流血….

去到醫務所,照埋X-ray,(未講我邊隻牙痛,係好耐之前補過隻牙),結果隻牙冇蛀,又冇牙周病,痛ga原因,個牙醫估計係當年補牙時d細菌清唔哂,而家藏咗入面,又係得兩個選擇,就係杜牙根或拔咗佢….

但係個牙醫話我個口太細,佢間診所做唔到,要轉介我去專科,專科一般收費七,八千蚊,而牙套佢就可以幫我做,約四千幾…..

我聽到打過突,哇要成萬二蚊,貴過我朋友隻一倍有多….

而家我考慮中……