印尼餐廳

前兩日,因為放七點,所以搵早早食飯…..e~佢又得wor,咪約去尖沙咀食~
真係又要講一講,早早個慢世魔王,從來都唔成認自己me me more more,但係果日,我七點收工,七點二出公司門口,但係早早六點半收工,七點三,四先出門口…..
話說果日唔知食咩,咪是但囉,結果食印尼野…..

尖咀間印尼餐廳入面裝修好懷舊,連d侍應都年紀都幾大~
餐廳冷氣唔夠,我覺得幾熱~
因為我地得兩個人,所以叫得唔多….
巴東牛肉,連蔡瀾都推介~
味道似牛腩,好腍,好入味,不過好細碟,要成九十幾蚊~,不過送白飯一流~

印尼炒飯,好味~

馬拉盞抄通菜„唔錯~

我叫咗杯椰子汁,點知入面有椰青水,雖然好飲,但係我係寒底,受唔住,結果飲咗一半頂唔住,喧佈投降

題外話………
我係開飯啦,發現觀塘原來有間印尼餐廳,高据第一位

因為觀塘要重建,真係要快d去食…..