樟木頭

朋友貓小姐話要返樟木頭別墅屋,睇吓佢種果d瓜瓜菜菜.....
咁岩我果幾日又愉懶,所以約埋早早一齊北上樟木頭別墅屋~(當然要得貓小姐同意)
果日貓小姐同佢阿姨朝早上咗去,而我同早早則飲完茶,兩點幾先出發~

搭緊火車未到站時,廣播不停叫我地要準備落車,我聽到講笑咁同早早講,叫佢快d準備,如果唔係一陣間眨吓眼架車關上門,就車佢上廣州…..,早早聽到就”車”一聲……..
點知架車真係好快關門,得兩分鐘時間……
說時快那時遲,就有個阿伯係度嘈,話重有人未落車……後事如

何?真係唔知~

貓小姐一早係車站等我地,會合咗之後,我地去食d野….
食飽之後,見到賣燒餅,貓小姐話幾好食,所以買咗幾個…

之後我地去超市買咗d野,就去別墅屋啦~

佢屋企ga小花園~
佢地種得好有成就感ga鷄蛋花
之後入佢厨房見到佢地今晚為我地準備ga晚餐,好多都係佢地ga農作物

重有走地鷄…

.

再講我地之前買ga燒餅可以食啦~

紅豆燒餅

蔥肉燒餅

可能凍哂,d皮硬哂,唔係咁好食,所以話真係要趁熱食~
阿姨煲咗涼茶俾我地飲,就係龍痢茶煲羅漢果……真係好好飲!

到咗七點,食晚飯

四餸冇湯,鷄粥任裝,你睇吓~~重有燒乳鴿
食飽後,因為唔鐘意睇無記八點半套劇,所以睇碟,歲月神偷……點知播到個小主角被老師鬧”差,差,差”時,就發生事
                                       
                                                      待續…..