怪小姐又有經典巨作

琴日我地五個人去深圳按摩,怪小姐同平時一樣遲到半個鐘有多,同枱食飯唔搭咀唔講野,不過算啦,慣哂……

去到羅湖邊境,問佢有冇登記過快捷e通道,佢話唔記得,點知佢過唔到,到咗大陸邊防,再問怪小姐有冇登記回鄉証自助過關,佢又話唔記得,點知佢又過唔到,(佢上個月先去過大陸,咁快就唔記得自己有冇登記過,再講自己有冇登記過都唔記得)

去到按摩,怪小姐同兩個朋友去推淋巴,而我同另一朋友做中醫穴位,所以分開房….

做完之後,怪小姐黑哂面,佢好嬲咁俾我睇佢對腳….

嘩!紅咗兩大塊,我問佢做咩???~~~樽按摩油佢自己帶嚟,冇理由敏感,

原來係熱敷中藥包辣襯,同佢一齊推淋巴個朋友話佢點解唔出聲,d師傅一早講如果熱要出聲,怪小姐冇出聲……..

我地按摩完,返香港啦,經典巨作出現啦…..

我個三個朋友行先,我同怪小姐行後,之後我同怪小姐講我去自助過關,佢去見叔叔過關…

過咗大陸關,我見到三個朋友行喺度等,但係唔見怪小姐……

我地等咗十分鐘,都唔見佢,其中兩個朋友行前d等,我同另一個朋友原地等….我本來打電話俾佢,但係唔通,傳短信俾佢,但係又傳唔到….

我地驚佢未過大陸邊境,驚佢有事,結果等咗半個鐘…….

之後真係唔見佢,咪同朋友過去會合另外兩個朋友;原來朋友個位置喺打到電話,所以不停打電話同傳短信….

之後終於有人聽,聽到佢把聲同火車關門聲就斷缐…..

我朋友再次打俾佢問原因,點知我朋友好勞氣咁俾個電話我,叫我同佢講….

(因為每次返大陸,我地習慣每次過一個關,等齊人,先再過另一個關,點知怪小姐佢今次好神奇地自己直行直過,過哂兩個關,喺火車站度等)

今次明明怪小姐唔岩,佢竟然惡人先告狀,話打咗十幾蚊電話費,又話等咗我地半個鐘…

我地真係好心作雷打,驚佢有事喺度白等,竟然得唔到一句”對唔住,累你地擔心”,

救命呀!!!你朋友呀!!!!,果三個朋友對住我講