痛......

真希望今年無病無痛

一月二日,好似往常一樣返工……,點知放工就發生咗一件事令我痛苦萬分ga事……

話說放工時,我換過制服,打算穿上由屋企攞返嚟ga 一對乾淨襪…..

點知一著,就覺得隻腳趾公痛到好似被電電親,更似成支針咁插入隻腳趾度,我即刻反轉隻襪,但唔見有野,

我以為有釘仔之類,但唔見,當我再thing隻襪,竟然有隻野喺隻度飛出嚟……

原來有隻好似手趾公咁大隻ga黑蜂,隻蜂好大隻,一飛就飛咗落塊鏡度,好在四周冇人,如果唔係,實瘀死……

當時我痛到要死,隻腳簡直似被支針咁插入,


再望吓隻黑蜂,佢好得戚咁企喺塊鏡度,當時我真係好嬲,但又驚隻蜂有毒,所以即刻攞隻拖鞋打扁佢,然後用幾張抺手紙包住佢,然後打電話返屋企搵我阿媽(我阿媽因為鍾意種花,所以經常被蜜蜂針,所以好佢好有經驗,再加上對襪係佢收),但我老豆話佢沖緊涼,重叫我去睇醫生,佢重話隻蜂好毒,當時成隻腳又痛又痺…..

去到睇醫生時,個醫生問我咩事,我話隻腳趾公被隻黑蜂針,佢話著鞋點解會針到,我咪將個過程話佢知,佢好疑惑,重問點解隻襪會有隻黑蜂,我咪話可能曬衫時飛咗入去,但係我都唔明,因為隻襪係幾日前洗,放咗入櫃桶幾日(對襪我阿媽幫我收),但隻野完全有郁過..??

個醫生聽完之後係度笑,我唔知點解好白痴咁問個醫生睇唔睇隻黑蜂,個醫生話好呀,佢睇完之後話真係蜂嚟bor,但係唔知係咩品種…..

返到屋企,佢地問我,我咪將個過程話俾佢地知,點知佢地全部係度笑,完全無同情心,點知我細老重話,好鬼搞笑,重問我係咪得罪人,係咪被人整古……

佢地完全無同情心…….人地痛到死