我地驚人多,所以去赤柱,去到時,我地入去超市買定野先
之後問人有冇燒烤場,佢地話有,不過冇燈,要租電筒,我地聽到即刻轉呔去石澳,
之後再問人,佢地話要搭小巴再轉巴士,我地覺得好煩,有朋友建議搭的士,但係我覺得咁遠,但朋友話好近……
當時我心諗算啦,我地有幾個,就算一百蚊,我地都係幾十蚊啫….
點知真係要成九十三蚊…..
去到時,個燒烤場唔係咁多人,我地租咗個爐要一百蚊,
放低d野
(d日本蕃薯唔係咁好食,d 羊扒只係食咗一塊,因為好鬼騷,)
人地幫我地起爐,有朋友就急不及待燒蝦,
而我梗係燒里d 啦
而四周有好多貓貓狗狗,如果大白貓有嚟一定好開心,因為有好多大黃貓,大黑貓…..
其間我聽到一d怪聲,原來有隻肥老狗企係隻後生d隻ga黑狗側邊,依依哦哦,好似講緊野咁,隻肥老狗一直唔走開,喺隻黑狗耳邊依依哦哦,我見隻黑狗唔敢行開,好呆咁喺度震,
直至隻肥老狗走開,隻黑狗先敢行,之後見到隻肥老狗好開心咁同隻白色狗女走出沙灘……(哇
!咁似人ga)咁隻肥老狗同隻黑狗講乜,我都唔知架,我都唔係狗,
食野其間,我滴咗d汁落條褲度,朋友個朋友話我好搞野,之前唔知攪到乜野成手都係,我朋友話見怪不怪,因為我成日都係咁,
其實當時我心諗,乜我成日都係咁低能ga咩?!
到十點半,d人全部走哂,剩低我地幾個,好在隔離燒烤場重有人….
到咗差唔多十一點,老闆娘話佢地收十一點,我地唯有衝衝食埋d 野走人
里晚天氣唔錯,天氣唔熱,重有d風,可能秋天到啦……..正!
返到屋企唔夠半個鐘,忽然落大雨,我諗我都有d運,因為我冇帶遮,…….
oh!有d運
,去買六合彩….
沒有留言:
張貼留言