肥仔糖水

琴日同啲舊同事去荃灣食飯,食飽後去石圍角肥仔度食糖水…

一去到,青蛙妹就點咗芒果涼粉西米露,原來係最後一碗,

因為太好生意,芒果冇啦,所以我唯有同另外啲朋友一樣,點咗雜果涼粉西米露..
唔係因為我地係朋友先咁大碗,因為我見到佢賣俾其他人都咁大碗,啲朋友食完猛話好食又大碗,抵食過佢屋企附近間糖水舖,
再望吓價錢~~,哇!好抵呀!
原來佢重有送外賣tim!
佢啲糖水有分冬天同夏天,而家賣緊夏天嘅…
即係凍嘅糖水….


我地走時肥仔話唔收錢,但係佢次次都唔收,
今次我地強硬地迫佢收,佢終於屈服
肥仔我地下次再探你,bye,bye!