澳門行(第一天)

星期六,我約咗幾個朋友搭下午三點幾班船去澳門,

求神拜佛冇人遲,所以我地可以搭早一班船

去到澳門,我地先搭酒店車返酒店攞房,然後先開始我地ga行程;

我地book咗氹仔格蘭酒店,房間雖然細,但地點,價錢,各方面都ok,而且房間尚算乾淨

我地放低行李,然後搭車去漁人碼頭,當時天色唔多好,重行雷閃電,但係一直冇落雨

我地行吓,影吓相,閒生提議去巴比倫娛樂場參觀,我地無意見,便過去睇吓

我地入到去睇咗一陣,覺得肚餓,便話出去,但係肚皮話等多一陣,咁我地話出去等,但係等咗好耐,佢地都重未出嚟,結果要我入去捉里兩個爛賭姊妹花

之後閒生佢地提議去金沙食自助餐,我地話ok

去到時,見到個價錢,嚇咗一跳,因為同香港ga價錢差不多,因為要成$218,加埋一,要$240,不過我地懶得再搵第二度食野,所以算數,~但係我地食完呻笨,因為唔值……

食飽飽後,約九點,我地打算係金沙娛樂場分頭活動,所以我地約咗十一點集合

點知肚皮遲咗出嚟,等到我地傻咗,原來佢個傻婆玩角子機win咗千幾蚊,真係可喜可賀

之後我地打算轉場去新葡京玩,點知行到美高梅金殿時,覺得佢好有氣勢,所以入去參加吓

美高梅金殿入面都幾靚……….

我地係里個娛樂場又逗留一個鐘,十二點再集合,之後我地真係去新葡京,途經ga景色

舊葡京………,~


見到啦,新葡京

我地里班爛賭團,又係新葡京娛樂場逗留咗一粒鐘,結果點幾鐘先打的返酒店,的士錢梗係大贏家肚皮小姐請啦,

返到酒店,我地竟然又去酒店ga角子機場玩,但係後來真係太眼瞓,所以要瞓啦,最後攪到成兩點半先瞓………….哈哈!