果時閒太預約咗去纖體,而我同肚皮就趕住睇戲,所以當個知客問我哋搭唔搭枱時,我哋都冇問題, 點知就發生一d 小插曲~
當我哋入到去時,d 侍應喺度執緊枱,當時有五個人喺度等緊,
後來其中三個人入咗去坐中間位,剩低兩個人同我哋三個人企喺度,(其實當時個侍應未執完枱),但係每邊只剩低兩個位,
當時閒太叫嗰個上咗年紀ga男人坐過一個位,因為我哋三個人,(因為果時閒太企喺入面,喺個男人隔離;)但喺個男人無動於衷;其實當時我以為另外個兩個人喺同佢哋一齊,所以佢先唔肯移位,所以我諗住等個侍應執完枱,先叫佢加多個位
果時閒太重同個男人喺度拉鋸戰,其實佢哋喺度講咩做咩,我都唔係好清楚,因為我企喺出面,(因為中間隔咗個肚皮),後來個男人肯移位,但係好大力咁將份報紙拍落張櫈度,當時我哋全部人都嚇咗一跳,覺得個男人痴線
閒太本來想行入去坐,但肚皮驚佢哋兩個坐埋一齊會出事,所以佢話佢入去坐,
後來開茶時,我先知另外個兩個人係唔識佢哋三個ga
其實我都唔明嗰個男人點解唔肯移位,移一個位係一件好簡單ga事啫????
……後來個男人同佢屋企人埋單走咗之後,我哋就喺度講佢(因為我哋驚個男人有精神病,所以唔惹佢同講佢,廢事第二日上A1 頭條)
但係肚皮竟然幫個男人講話,佢話聽到男人自言自語話:”想點我做野!”,佢話個男人可能有工作壓力~~咁都俾肚皮諗到,平時唔覺佢咁聰明
後來個侍應過嚟執野,佢聽到我哋喺度講緊個男人,佢都加把口,力数個男人不是,咁樣講當時都有其他人不值個男人ga行為
原來香港真係有好多痴線佬
沒有留言:
張貼留言