無聊閒談

話說今日食飯時,mimi同勁哥講”你知唔知你係我哋部門啲男仔之中,個咀係最靚最sexy

.”我聽咗之後,就眼金金咁望住勁哥個咀,但係我睇唔到有咩特別(咁岩勁哥坐係我對面,所以睇得好清楚),

點知mimi就笑住話”你睇佢個咀”嘟嘟”,幾sexy,成條泥猛魚咁…….,成日都”嘟”個咀,都唔知係咪想咀人”

勁哥聽咗之後無嬲,重沾沾自喜~~~~~(吓,佢唔係以為泥猛魚咀好sexy呀,低B)

講開勁哥就搞笑,日日好似食咗k 仔先返工,成日傻吓傻吓咁;講嘢九唔搭八,好多人同佢都溝通唔到;好不幸我明佢講咩,所以有人叫我去做社工.

話說上一次食lunch,馬仔過嚟坐,我就坐過一個位,但係我唔想馬仔坐我張坐過嘅櫈,咪移櫈囉,點知馬仔話”唔驚喎,我唔怕生痔.”我聽咗就話:”唔使驚,我冇生痔.”,勁哥聽咗就問:”咩叫生痔?”我哋聽咗之後大笑佢白痴,生痔瘡都唔識,點知佢聽咗之後,面色蒼白,問”痔瘡會傳染架咩?”我哋聽咗之後又笑佢.

之後我問我朋友痔瘡會唔會傳染,我朋友話唔會;

話時話咁樣都要問,我諗我嘅level同勁哥一樣

,好在啲同事唔知