跟蹤

今晚同啲朋友食完飯，返到屋企附近嘅便利店買雜誌；

後來有兩個差人哥哥入嚟買野,然後行出店外傾計;

我俾咗錢之後,行出店外,重見到果兩個差人哥哥重企喺度,

我不以為意,點知我行,佢哋又行,好在佢哋係差人,如果唔係我以為佢哋係賊或者係色狼,當時我心諗,點解跟住我,唔通我似可疑人物???

好在佢哋跟跟吓冇跟,如果唔係,我返到屋企一定會照鏡

返到屋企趕得切睇收費電視套電視劇;咁岩我細老行過,我同我細老講,話男主角好核突,但好得意攪笑,我細老聽到話我講咩,我話個男主角個樣好核突,但好得意攪笑, 

我細老聽到就話我鍾意啲核突老……,吓?我幾時話鍾意啲核突老,

佢話我話個男人得意,重唔係鍾意………,

咩呀?話啲野得意,就係鍾意嘅咩??????咦,我真係唔知喎!

如果係咁,我咪鍾意好多人????????