睇戲

今日九點幾,俾肚皮姐嘅電話嘈醒

,佢話聽晚屋企要做節,嚟唔到同我食生日飯,因為個個夜返,走唔到兩場嚟同我慶祝生日,又問我聽日係唔係正日(枉我識佢咁耐,真係心淡),我話唔係,係23號,佢就依依哦哦,話星期六得唔得,我話可能要做節,佢又話正日得唔得,我話屋企唔知幾時做節,答唔到佢,咪叫佢算啦,生日年年有,但係佢誓不罷休,仍然依依哦哦,佢話23號再搵我

;唉,肚皮姐!我知你對我好,你啱啱做完手術,咪咁操勞,我驚你個他怪我呀

下就我同倫庶睇魔間傳奇,真係好好睇,係一部悲慘劇,不過臨尾彈出兩個生還者係敗筆(對我嚟講係,但其他人可能會唔同意),有幾個位睇到我眼濕濕tim

,倫庶重好似睇到喊tim(不過佢不嬲眼淺,見到曱由死都喊),不過有d男仔話好悶……不過我都係覺得好好睇,完全無悶位,正!