飲宴

早兩日我阿爸同阿媽去飲,佢同隔離屋個嬸嬸坐埋同一張枱,個嬸嬸平時粗口爛舌,粗粗魯魯,但果晚佢就成個皇后咁

,佢老公不停咁挾餸俾佢食,但佢食好少,只係不停咁用隻手”擵面”,’拓頭”,重間唔中放對手係張枱面度,更經常蘭花手咁攞嘢,我阿媽話佢自己就成舊飯咁坐係度,後來望真啲,原來嬸嬸對手戴滿哂似鑽石嘅戒指,而佢啲手指甲重油到閃閃令,靚到不得了

人哋問佢啲戒指係咪真,佢就話梗係真,再問佢啲手指甲係咪俾人油,佢就話唔係,係佢自己油,仲話佢啲手指甲天生就咁靚嫁啦.

…….聽到哩到,我就覺得好攪笑,好似電視啲攪笑劇咁~

今日我阿媽喺商場啲車仔檔度買啲幾十蚊啲”鑽石戒指”,就撞到果個嬸嬸,佢重好在行咁敎我阿媽買邊隻似真,~莫非個晚佢戴果啲係里度買嘅