垃圾(勒索)電話?

今日收到很多垃圾電話,令我想起幾年前,有一個不知名嘅女子打電話到我屋企,恰巧我屋企又沒有人,而我又無所事事,所以我就聽了那個電話(平時我係唔聽屋企電話,因為我啲朋友會打我手提)對話如下:

我:你搵邊個?

女子:我搵你!

我:你係邊個?

女子:我知你係邊個,但你唔知我係邊個;但係我影咗你去厠所嘅走光相!

我:吓~?幾時?邊度?(好驚)


女子:一年前,學校!

我:吓?(我一d都唔驚,因為我畢咗業好多年,但我無聊,所以無收線)

之後佢問我攞錢,先至肯俾返啲相我,我話無錢,因為搵唔到野做,後來換咗個男人聽,佢竟然話幫我揾野做,之後傾咗幾句就收線.

過咗幾日,個男人打電話嚟話幫我搵到野做, 但我叫我細老話打錯(因為我細老聽),之後就不了了之.

而家諗番起,其實算唔算勒索?